މެއި 10 ގެ ފަހުން މި ރާއްޖޭގައި ބޭރުގެ އެންމެ ސިފައިންގެ މީހެއްވެސް ނުހުންނާނެ: ރައީސް

މެއިމަހުގެ 10 ވަނަ ދުވަހުގެ ފަހުން ރާއްޖޭގައި ބޭރުގެ އެއްވެސް ސިފައިންގެ މީހެއް ނުހުންނާނޭކަމަށް ވިދާޅުވެ، ރައީސް ޔާމިނު ދެއްކެވި ވާހަކަފުޅަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރައްދުދެއްވައިފިއެވެ.ރައީސް ޑރ.މުއިއްޒު ވިދާޅުވީ، ރާއްޖޭގައި ތިބި އިންޑިއާ ސިފައިން ބޭލުމުގެ މަސައްކަތް ހަމަޖެހިފައިވާ އުސޫލުގެ މަތިން ދެ ފަހަރެއްގެ މަތިން ކުރިއަށްގެންގޮސްފައިވާކަމަށާއި، ރާއްޖޭގައި ތިބި އިންޑިއާ ސިފައިންގެ އެންމެ ފަހު ގްރޫޕް އަންނަ މަހުގެ 10 ގެ ކުރިން އަނބުރާ ގައުމަށް ދާނޭކަމަށެވެ. އެގޮތުން މެއިމަހުގެ 10 ވަނަ ދުވަހުގެ ފަހުން މި ރާއްޖޭގައި ބޭރުގެ އެންމެ ސިފައިންގެ މީހަކުވެސް ނުހުންނާނޭކަމަށް ރައީސް ޑރ.މުއިއްޒު ވަނީ ރޭގެ ޖަލްސާގައި ވިދާޅުވެފައެވެ.