މާލޭގައި ކުލިދައްކާ މީހުންގެ އާދޭސް!

ޒަމާނުއްސުރެ ރަށްރަށުގެ މީހުން އެކި ބޭނުންތަކައް އޮންނަނީ އަނަނަންޖެހިފައެވެ.އެގޮތުން އަމިއްލަ ރަށުގައި ބޯހިޔާވަހިކަން ނެތުމުގެ ސަބަބުންވެސް މާލެ ދިރިއުޅުން ބަދަލްކުރަން ޖެހިގެން މާލޭގެ ގޭގެ ކުއްޔައްހިފައިގެން އަންނަމީހުން ގިނައެވެ.ދަރިންނައް ތައުލީމް ހާސިލްކޮއްދިނުމަށާއި ކާންބޯން މަސައްކަތްކުރަން މާލެ ދިރިއުޅުން ބަދަލް ކުރާމީހުންވެސް މަދެއް ނޫނެވެ. ވެރިކަމުގެ ވައުދު ތަކުގެ ތެރޭގައި ފްލެޓްތަކާއި ގޯތިވެސް ދެއެވެ.ކޮންމެ ވެރިކަމެއް އަޔަސް ގޯއްޗާއި ފްލެޓް ލިބެނީ ސަރުތު ފުރިހަމަވެގެންނެވެ.

ސަރުތު ފުރިހަމަ ނުވާ މާލޭގައި ބޮޑުއަގުގައި ކުލިދައްކަން ޖެހޭ މީހުންނައް ހައްލެއް ހޯދާ ދެވެނީ ކޮން ބަޔަކައްތޯއެވެ.؟

ކިތަންމެ ކުޑަ 1 ކޮޓަރީގެ އެޕާޓްމެންޓެއްގެ ވެސް އަގު އުޅެނީ މާލޭގައި 11000 ނޫނީ 12000 ރުފިޔާއައްށެވެ.އަގު ކުޑަވެއްޖިއްޔާ އިންސާނުންނައް ދިރިއުޅެވޭނީ ކިރިޔާއެވެ.އެޑްވާންސް ދެއްކުމައްފަހު އަތުން މަރާމާތުކޮއްގެން އުޅެވެނީ ކިރިޔާއެވެ.ނަމަވެސް ގިނަފަހަރައް އަތުން ދާ ލާރިކޮޅު ނުލިބޭތާ ދެއްކި އެޑްވާންސްވެސް ނުލިބެއެވެ.

ކުލިކޮންޓްރޯލް ވާނެދުވަހެއް ކުއްޔައް އުޅޭ ރައްޔިތުންނައް ފެންނާނެބާވައެވެ.މަސަކަތްކޮއްގެން ހޯދާ ލާރިކޮޅު ކުއްޔައްދީފައި އަތުގައި އެހެންކަމަކައް ނޯވެއެވެ.މިކަމައް ހައްލެއް ހޯދާދޭން ކެރޭނެ އެއްވެސް ވެރިއަކު އަންނާނެބާވައެވެ.