މަޖިލިސް މެންބަރުންނަކީ ނިކަމެތިން،ޖީބުގައި މިލިއަނުން ,މިވަނީ ކިހިނެތް?

ރައްޔިތުންގެ ހައްގުގައި ބަސްބުނުއްވާ ރައްޔިތުންނަށް ޓަކައި ނިންމަންޖެހޭ ނިންމުންތައް ނިންމުމަށް ދައިރާގެ މަޖިލިސް ގޮޑިކޮޅަށް ކުރިމަތިލައްވަނީ ވަރަށް ގިނަ ވާހަކަފުޅުދައްކަވައިފައެވެ.މަޖިލީހަށް ކުރިމަތި ލެއްވުމަށްޓަކައި ބައެއް ބޭފުޅުން ހިޔާރުކުރައްވަނީ ކޮންމެވެސް ޕާޓީއެއްގެ ފަރާތުންނެވެ.އަނެއްބައި ބޭފުޅުން އަމިއްލަގޮތުންނެވެ.މިކަމަށް ކުރިމަތިލައްވަން ނިންމަވާނީ މީކިހާބޮޑު މައްސޫލިއްޔަތެއްކަމާއި ގޮޑިކޮޅު ހޯއްދެވުމަށް އެތައް ހަރަދު ތަކެއް ކުރަންޖެހޭނޭ ކަން އިގިލައްވައިގެންނެވެ.ގިނަ ބޭފުޅުންނަކީ މިކަމަށް ދުރާލާ ތައްޔާރުވާ ބޭފުޅުންނެވެ.އަމިއްލަ ވިޔަފާރިއެއް ފައްޓަވައި ނޫނީ ވަކި ހާއްސަ ސަނަދުތަކެއް ހާސިލްކޮށް ،ދައިރާއަށް އެކި ގޮތްގޮތުން މަލީއެހީތެރިކަމާއި ވަކި ވަކި ރައްޔިތުންނަށް އެހީތެރިކަން ފޯރުކޮއްދެއެވެ.ކޮންމެއަކަސް ގޮޑިކޮޅު ކާމިޔާބުވާ ހިސާބުން މިބޭފުޅުންގެ ދިރިއުޅުމުގެ ފެންވަރާއި ޖީބުފުޅުވަނީ ބޮޑެވެ.ސިޔާސީ އެކި އެކި މަންފާ ހޯއްދަވައި މިބޭފުޅުންގެ އެކައުންޓުތައްދަނީ ފުރެމުންނެވެ.މީހަމަގައިމުވެސް ދައްޗާ ތުރާލުގައި އުޅޭކަމުގެ ހެކިހެއްޔެވެ؟

މިބޭފުޅުންނަށް ލިބިލައްވާ މުސާރަފުޅު ނަންގަވައިގެން މަޖިލީހުގެ ތަޅުމުގައި ޑްރާމާ ކުޅުއްވާ ހައްދަވަނީ ރައްޔިތުންނާއި ގުޅިފާވާ އެތައް މައްސަލަތަކެއް ކުރިއަށް ނުގެންދެވުމަށްޓަކައެވެ.ކޯރަމް ހަމަނުވެގެން މަޖިލިސް މެދުކަނޑާލާއިރުވެސް ކުޑަދަށުގައި ސައިފޮދު ހިތްޕަންވަން ތިބޭ މަންޒަރު ފެނިގެ ންދެއެވެ.

މިވަރުގެ ބަޔަކަށް ލިބޭ ފަސްދޮޅަސް ފަސްހާސް މަދުހެއްޔެވެ.ވަކި ބައެއްގެ ބޮލުގައި ކަންކަން އެޅުވުމަށްޓަކައި ނޫނީ ވަކި ބަޔަކަށް މަންފާ ހޯދާ ދިނުމަށްޓަކައި މަޖިލިސް މެންބަރުންގެ މުސާރަ ހަމަ ބޮޑުކުރަންވީހެއްޔެވެ؟

ރައްޔިތުމީހާގެ ހައްގު ކޮބާތޯއެވެ.މި ރާއްޖޭގައި 45 އަހަރުންމަތީގެ ގިނަ މީހުންނަކީ ބައްޔެއްގެ ސަބަބުން އާމްދަނީ ނުހޯދޭ މީހުންނެވެ.ގިނައީ ކަނބަލުންނެވެ.ތިޔަ ޖީބުފުޅު ބޮޑު މެންބަރުންނަށް މުސާރަ ބޮޑުކުރެއްވުމުގެ ބަދަލުގައި މިބުނާ ރައްޔިތުންނަށް މަހަކު އެލެވެންސެއް ދެއްވިއަސް މާ ރަނގަޅުވާނެއެވެ.

މަޖިލިސް މެންބަރުކަމަށް ކުރިމަތިލައްވައި ހޮވެން ބޭނުންފުޅުވަނީ މިވެރިން މަހުޖަނުންނަށް ވާންށެވެ.ރައްޔިތުންނަށް ޓަކައެއް ނޫނެނެވެ.