ވަކިމީހަކަށް ވީތީ ލޯން ކެންސަލް ކުރިވާހަކައަކީ ކަނޑައެޅިގެން ދޮގެއް
މިއަދު ބައެއްމީޑިޔާތަކުގައި ހަބަރުފެތުރިގެން ގޮސްފައިވަނީ ޑިމޮކްރެޓިސް މީހަކަށް ވީތީ ސުޓޫޑެންޓް ލޯންކެންސަލް ކުރިވާކައެވެ. އެހެން ނަމަވެސް ފަހުން އެގުނުގޮތުގައި އެކުއްޖާ ކިޔަވަމުންދާ ލޯނު ކެންސަލް ކޮއްފައެއްނުވެއެވެ. އެކުއްޖާއައް ކިޔަވަމުންދާ ގައުމަކީ މިނިސްޓްރީގެ ލިސްޓްގައި އިންނަ ގައުމަކަށް ނުވާތީ އެކުއްޖާހުށަހަޅާފައިވާ މެލޭސިޔާގެ ސުޓައިޕެންޑް ރޭޓުން ބަރާބަރައް ޕޭމެންޓްތައް ދެމުންދެއެވެ. އެހެން ނަމަވެސް އެކުއްޖާ ކިޔަވަމުންދާ ގައުމުގައި ކޯސްފިޔާއި އަދި އެހެނިހެން ހަރަދުތައް ބޮޑުކަމުން އެސަކުވާ މިނިސްޓްރީއަށް ލިބިފައިވާކަމުގެ މައުލޫތުލިބެއެވެ. ކުއްޖާއަށް ލިބެންޖެހޭ އެއްވެސް ޕޭމެންޓް މިހާތަނަށް ލަސްކޮށް ނުވަތަ ނުދޭން ނިންމާފައެއްވެސް ނުވެއެވެ. އެކުއްޖާއަކީ މިހާރުވެސް ލޯނުލިބި ރާއްޖޭންބޭރުގައި ކިޔަވަމުންދާ ކުއްޖެއްކަން ވަނީއެނގިފައެވެ. އަދި ކިޔެވުމައްޓަކައި މލިބެންޖެހޭ ފައިސާ ބަރާބަރައް މިނިސްޓްރީން ލިބެމުންދެއެވެ.
އެހެންނަމަވެސް އެކުއްޖާ ކިޔަވާ ލޯން އެގޮތައް އޮއްވާ އޭގެ އިތުރުން ޓޮޕްއަޕް ލޯނަށް އެޕްލައިކޮށް އެލޯނުނުލިބުމުން ބައެއް ހިތްހަމަނުޖެހުންތައް އައިސްފައިވާކަމަށާއި، އެކަމަކީ މިނިސްޓްރީގެ އުސޫތައް ތަންދޭކަމަކަށް ނުވާތީ އެކަންކަން އަދި ހަމަޖެހިފައިނުވާކަމަށް މައުލޫމާތުލިބެއެވެ. މިނިސްޓްރީން ދަރިވަރުންނާއި ގުޅޭ އެއްވެސްކަމެއް ސިޔާސީކަމެއްގައި ބޭނުންނުކުރާކަމަށާއި ނުވެސް ކުރާނެކަމަށް މައުލޫމަތުދެއްވައެވެ. ދަރިވަރުންނާއި އެހެނިހެން ފަރާތްތަކުގައި ލޯނާއި ގުޅޭގޮތުން ސައްކާއި ވަހުމް އުފެދޭނެ އެއްވެސް އަމަލެއް ހިންގުމަކީ ބަލައިގަނެވޭނެ ކަމެއް ނޫންކަމަށް ވިދާޅުވެއެވެ. އަދި މިފަދަ މައްސަލަތަކުގައި މިނިސްޓްރީގެ އެއްވެސް ބަހެއްނުހޯދައި މަކި މަންފާއެއް ހޯދުމައްޓަކައި މިފަދަ ވާހަކަތައް ފެތުރުމަކީ ބަލައިގަނެވޭނެ ކަމެއްނޫންކަމަށް ދެކޭކަމަށްވެސް ވިދާޅުވެއެވެ. އަދި މިނިސްޓްރީ އޮތީ މިފަދަ ކަންކަމުގައި މީޑިޔާއަށް އެއްބާރުލުންދީ ހަޤީގަތް ހާމަކޮށްދިނުމުގައި ސާބިތުކަންމަތީގައިކަމަށްވެސް ވިދާޅުވެއެވެ.
What's Your Reaction?
