އެމްއޭސީއެލް ވެހިކަލް ވަގަށްނެގި މައްސަލަ – އިތުރު 100 އަށްވުރެ ގިނަ ވަހިކަލްގެ މައްސަ ފެންމަތިވެފައިވޭ

މިހާރު ކުރިއަށްދާ ނޫސްވެރިންގެ ބައްދަލުވުމުގައި ފުލުހުން ހާމަކުރީ އެމްއޭސީއެލް ވެހިކަލް ވަގަށްނެގި މައްސަލައިން ކުރި ފަޅައި ހޯދި ހޯދުންތަކުން ފެންމަތިވީ އަދި މާ ބޮޑު މައްސަލައެއް ކަމަށާއި 100 އަށްވުރެ ގިނަ ވެހިކަލް ހިމެނޭ ކަމުގައެވެ. 

“ގަރާޖަށް ގޮސް ކުއްޔަށް ނަގައިގެން އުޅޭ ފަރާތް ހާޒިރު ކުރެވި ބަލާ ފާސްކުރިއިރު ވޭން ގަރާޖުތެރޭގަ ޕާކު ކޮށްފަ އޮއްވާ ވަނީ ފެނިފަ، މަހެއްހާ ދުވަސް ކުރިން އިމިގްރޭޝަންގެ ހަތަރު ފުރޮޅުލީ އުޅަނދެއްވެސް ވަގަށް ނަގާފައިވާތީ، މި ދެންނެވި ކާރުވެސް ވަނީ ފެނިފަ، ބެލި ބެލުމުގެ ފާހަގަވަނީ، މި ދެންނެވި ވައްކަމުގެ ތެރޭގަ ބޮޑެތި ހަތަރު ފުރޮޅުލީ ވެހިކަލްތައް އިންޖީނު ކެޝިޝް ނަމްބަރާ ކަހާލާ ފުޅާ ދާއިރާއެއްގަ ކުރަމުންދާކަން” ފުލުހުން ބުނެފައިވެއެވެ.

ފުލުހުން އިތުރަށް ވިދާޅުވީ މިކަމާ ގުޅިގެން ކ. މާލެ މ. މޮޑަންކޮމެންޓް އަހްމަދު ނިޒާމް 43 އަހަރު، އެމްއޭސީއެލްގެ މުވައްޒަފެއް ކަމުގައިވާ މ. ސީނި އަސުރުމާގެ، މުހައްމަދު ހައިޝަމް، 42 އަހަރު ހައްޔަރު ކުރެވި، ބެލި ބެލުމުން މިފަދަ ވެހިކަލްގެ އަދަދު ބެލި އިރު 100 އަށް އަރާ ކަމަށާއި އެ ގަރާޖު ހިންގާ ފަރާތުގެ ނަމުގައި 4 ފުރޮޅުލީ 86 ވެހިކަލް އޮތްކަންވެސް ފާހަގަވި ކަމަށާއި އަދި ރަޖިސްޓްރީތައް ބަހާލާފަ ވަނީ ނިޒާމްގެ އަނބިކަނބަލުންގެ ނަމުގަ 42 ވެހިކަލްގެ ގޮތުގައި ފާހަގަވިކަން ފުލުހުން ހާމަކުރިއެވެ.

ފުލުހުން ބުނީ އެހިސާބުން އެ 86 އުޅަނދަށް 86 ގަރާޖު ސިޓީ އޮންނަންޖެހޭކަން އެނގޭތީ ބެލި ބެލުމުން، ކުރިން ޓްރާންސްޕޯޓް މެދުވެރިކޮށް ގިނަ ރަޖިސްޓްރީތަކެއް ހައްދައި އަދި ކުރިއަށް އޮތް ތިން އަހަރަށްވެސް ރަޖިސްޓްރީތައް ދޫކޮށްފައިވާކަމަށެވެ.