ކޮރަޕްޝަންގެ މައްސަލަތައް ބަލާ އެފަރާތްތަކަށް ފިޔަވަޅު އެޅުން އަވަސްކުރުމަށް ޕީއެންސީ ގޮވާލާފި
ސަރުކާރުން މިހާރުވެސް އަންނަނީ ކޮރަޕްޝަން ހުއްޓުވުމަށްޓަކައި ގިނަ މަސައްކަތްތަކެއް ކުރެވެމުން
ކޮރަޕްޝަންގެ މައްސަލަތައް ތަހުގީގުކޮށް މައްސަލައިގާ ހޯދަންޖެހޭ ހޯދުންތައް ހޯދާ،އެމައްސަލަ ތަކުގައި ސާބިތުވާ ފަރާތްތާމެދު ފިޔަވަޅު އެޅުމަށް ގޮވާލާ ޕީއެންސީ އިން ބަޔާނެއް ނެރެފިއެވެ.
އެބަޔާނުގައި ފާހަގަ ކޮށްފައިވަނީ، ރައީސް ޑރ. މުއިއްޒު ވެރިކަމަށް އިންތިހާބުކޮށްފައިވަނީ ރާއްޖޭގައި އޮތް ކޮރަޕްޝަން ނައްތާލުމަށްށެވެ.އަދި ނިމިދިޔަ ސަރުކާރުގައި ހިންގާފައިވާ ކޮރަޕްޝަންތައް ބަލާނެކަމުގެ ވަރަށް ބޮޑު އުއްމީދެއްގައި ކަމަށެވެ.އެގޮތުން މިހާރުވެސް ސަރުކާރުން ކޮރަޕްޝަން ހުއްޓުވުމަށްޓަކައި މިހާރުވެސް ގިނަ މަސައްކަތްތަކެއް ކުރެވެމުން އަންނަކަމަށާއި،އަދި މިނިވަން މުއައްސަސާތަކާއި އެކި އެކި އިދާރާތައް ގުޅިގެން ހިންގާ ތަހުގީގަށް ބޮޑެތި ކުރިއެރުންތަކެއް ލިބިފައިވާކަން ފެންނަމުންދާކަމަށެވެ.އަދި މިތަހުގީގު ތަކުގެ އަލީގައި ނިމިދިޔަ ސަރުކާރުގެ އިސްވެރިންނަށް ކޮރަޕްޝަންގެ ބޮޑެތި ތުހުމަތުތަކެއް ކުރެވޭކަމަށްށާއި މިހުރިހާ މައްސަލަތަކެއް ތަހުގީގުތަކެއް ކުރެވެމުންދާ ދަނޑިވަޅެއްގައި އެ ޕާޓީ އަށް ތުހުމަތުތަކެއް އިދިކޮޅުން ކުރައްވަމުން ދަނީ ސިޔާސީ ވަކި މަގްސަދެއް ހާސިލް ކުރަންކަމަށް މި ބަޔާނުގައި ފާހަގަކޮށްފައިވެއެވެ.
What's Your Reaction?
