ކޮންޓްރެކްޓް ހަމަވެގެން ދޫކޮށްލި 1،780 މުވައްޒަފުން އަލުން ވަޒީފާއަށް ނަގާނަން: ފެނަކަ އެމްޑީ

މުއާޒް ވިދާޅުވީ މިދިޔަ އަހަރުގެ ޖެނުއަރީ އެކަކުން ފެށިގެން ސެޕްޓެމްބަރު ނުވަޔަކާއި ހަމައަށް 2،105 މުވައްޒަފުން ވަޒީފާއަށް ނަގާފައިވާ ކަމަށާއި އެ މުއްދަތުގެ ކުރިން ފެނަކައިގައި ތިބީ 4،825 މުވައްޒަފުން ކަމަށެވެ. އެ މުއްދަތުގައި ނަގާފައިވާ މުވައްޒަފުންގެ ތެރެއިން ގިނަ މުވައްޒަފުންނަކީ ހުއްޓިފައިވާ މަޝްރޫތަކަކަށް ނަގާފައިވާ މުވައްޒަފުންތަކެއް ކަމަށާއި އެތަނުން 1،780 މުވައްޒަފުންގެ ކޮންޓްރެކްޓް ހަމަވުމުން ދޫކޮށްފައިވާ ކަމަށް ވެސް ވިދާޅުވިއެވެ. މުއާޒް ވަނީ އެއްވެސް މުވައްޒަފަކު ހިއުމަން ރިސޯސް ޕޮލިސީއާ ހިލާފަށް ވަކި ނުކުރާ ކަމަށް ވިދާޅުވެފައެވެ. އަދި މިދިޔަ އަހަރު ފެނަކައިން ވަޒީފާއަށް ނަގާފައިވާ 1،780 މުވައްޒަފުން ކޮންޓްރެކްޓް ހަމަވުމުން ދޫކޮށްލާފައިވާ ކަމަށާއި މަޝްރޫތައް ހަމައަކަށް އެޅުމުން އެ މުވައްޒަފުން އަލުން ވަޒީފާއަށް ނަގާނެ ކަމަށް ފެނަކަގެ މެނޭޖިންގް ޑިރެކްޓަރު މުއާޒް މުހައްމަދު ރަޝީދު ވިދާޅުވިއެވެ.