ބޭރު ސިފައިން ދޯނިތަކަށް އެރުން , އެއީ މިސް ކޮމިއުނިކޭޝަނެއް: މިނިސްޓަރު

ބޭރުގެ ސިފައިން ދިވެހި މަސްބޯޓުތަކަށް އެރި މައްސަލާގައި މިއަދުގެ ރައްޔިތުންގެ މަޖިލީހުގެ ޖަލްސާއަށް ޢައްސާނު ހާޒިރުކޮށް، މެންބަރުން ވަނީ ސުވާލުކޮށްފައެވެއެ ސުވާލުގެ ޖަވާބުގައި ޑިފެންސް މިނިސްޓަރު ވިދާޅުވީ އިންޑިއާގެ ކޯސްޓުގާޑުގެ ސިފައިން އެރީ ހއ ކެލާގެ އިރު އިތުރުން 72 ނޯޓިކަލް މޭލުން، ރާއްޖޭގެ އީއީޒެޑްގައި މަސްވެރިކަން ކުރަން އުޅުނު އަސުރުމާ3، މާހޯރަ3 އަދި ނިރު7 އަށް ކަމަށެވެ. އިންޑިއާގެ ކޯސްޓުގާޑުން އެ ތިން މަސް ދޯނި އެއްތަނަކަށް ގެންދިޔަ ކަމަށާއި ދޯނިތަކަށް އެރީ އިންޑިއާގެ ކޯސްޓުގާޑުގެ ދެ އުޅަނދެއްގެ ސިފައިން ކަމަށް ވިދާޅުވިއެވެ. އެއީ އައިސީޖީއެސް ''އަރިޔާމަން 252'' އަދި އައިސީޖީއެސް ''އަނާ 246'' ނަމަކަށް ކިޔާ ދެ ބޯޓު ކަމަށް މިނިސްޓަރު ވިދާޅުވިއެވެ. މިނިސްޓަރު ވިދާޅުވީ އިންޑިއާގެ ސަރަހައްދަށް ގެނެވުނު ބަދަލާއެކު ސިފައިންނަށް ހީވޭފައި އޮތީ ރާއްޖޭގައިވެސް މަސްވެރިން ސެޓަލައިޓް ފޯނު ބޭނުންކުރުން މަނާކަން ކަމަށެވެ. އެއީ ރާއްޖޭގައި މަނާކޮށްފައިވާ ކަމެއް ނޫން ކަމަށް ވިދާޅުވިއެވެެ.