އަލަށް ހައްޖުގެ އަޅުކަން އަދާ ކުރަން ބޭނުންވާ ފަރާތްތަކަށް އިސްކަންދޭން ނިންމަވައިފި
މުޅިން އަލަށް ހައްޖައް ދާން ބޭނުންވާ ފަރާތްތަކަށް އިސްކަން ދިނުމަށް ވަޒީރުންގެ މަޖިލީހުން ފާސްކޮށްފިއެވެ.
ކޮންމެ އަހަރަކުވެސް އެތައް ބަޔަކު ހައްޖަ ދިއުމަށް އެދެއެވެ.ނަމަވެސް ފައިސާދެއްކުމަށްފަހުގައިވެސް ފުރުސަތު ލިބެން ގިނަދުވަސްތަކެއް ނަގަމުންދާތީ މިކަން ހައްލު ކުރުމުގެ ގޮތުން އަންނަ އަހަރުންފެށިގެން މުޅިންއަލަށް ހައްޖަ ދިއުމަށް އެދޭ ފަރާތްތަކަށް އިސްކަންދިނުމަށް ދިވެހިރާއްޖެއިން ގެންނުޅޭ އުސޫލަށް ބަދަލު ގެންނެވުމަށް ވަނީ މިއަދު ވަޒީރުންގެ މަޖިލީހުގެ ލަފަޔާއެކު ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ނިންމަވާފައެވެ.
އެގޮތުން ހައްޖު ކޯޕަރޭޝަންގެ ހަވާލުގައި ހައްޖައް ގެންދާ ފަރާތްތައް ފައިސާ ދައްކާ ތަރުތީބުން ފުރުސަތު ދިނުމުގައި ބަލާނީ އަލަށް ހައްޖައްދާން ބޭނުންވާ ފަރާތްތަކަށް އިސްކަމެއް ދިނުމަށްށެވެ.އަދި 65 އަހަރުންމަތީގެ އަލަށް ހައްޖައް ދާ ފަރާތްތަކަށް ވަކި އިންސައްތައެއް ކަނޑައަޅަފައިވެއެވެ.އަދި ކުރިން ހައްޖުވެފައިވާ ފަރާތްތަކަށް އިތުރު ފުރުސަތެއް ދެވޭނީ ހައްޖުގެ އަޅުކަން އަދާކުރިތާ 5 އަހަރު ވުމުންނެވެ.
What's Your Reaction?
